صدفــــــة

صدفــــــة

كلمات/ جهـــــاد ميســـــرة

صدفة كانت مرة شفتك ...
صدفة بحسد فيها صمتك
لو تحسي تقولي كلمة
كلمة تحكي صدق نيتك
كلمة تسبح في خيالي ...
تحكي مسدار الليالي...
تسحب أسرار التمنع
تحكي بي قـوة إرادتك

* * *
قولي زي ما تقولي فيني...
قولي متجاوز شؤوني...
يلا قولي .. وإنتي باسمه
أصلي حبيت إبتسامتك
* * *
يلا قولي وقولي تاني ...
أصلو بيسمع ليك كياني...
وكلي في حضرة وجودك
أجثو لي عزّة وسامتك
* * *

القصيدة حالياً بتمر بي مشروع تلحين والملحن مفاجأة بعدين بتعرفوه
دعواتكم معانا يا شباب

Embarassed

المرهف//جهاد
داير اوصفك وما قادر وفي عدم المقدرة عن التعبير بتلقي كلامي ظاهر..مرة اغلبني ومرة اغلبو ومرات كنير بتخفيهو المشاعر..كلماتك اخذت الجزء الكبير من الروعه..وستكتمل روعتها بعد التلحين ام شاءالله..اتمني لك درباً زاخراً بالاعمال الثرة ..حقيقي بتعجب

كلمات جميلة بالتأكيد بس منتظرين التلحين عشان نسمعها
اغنية و ياريت بسرعة لانو الانتظار صعب

والله خجلتوني عدييييييييييييل كده
يعني Rolling Eyes

انا بعتبر كلامكم مجاملة نوعاً ما
بس تأكدو إنو بعث فيني أمل ....
إن شاء الله أقدر أكون عند حسن ظنكم فيني
وأوعدكم بالجديد إن شاء الله

cheers

شكراً على المرووووووووووووووووووور cheers