ديوان الجعليين والشوايقة

أكبر موسوعة على الإنترنت لنكات الجعليين مع الشوايقة
________ (حصرياً) ________

شايقى وجعلى ماشين فى الغاية فى الجنوب
ظهر ليهم نمر عاتى وجاء هاج عليهم
الشايقى ... شال نعلينو فى ايدو . واستعده للجرى
الجعلى قال ليهو شلته نعليك فى ايدك
قايل نفسك دار تسبق ليك .نمر
الشايقى قال للجعلى ..انا عارف نفسى ما بسبق
النمر انا داير اسبقك انت..؛؛؛؛؛؛
_____________________________
جعلي غرق فى النيل مافى جنبو الا شايقى . الجعلي قعد يكورك هوووووووي يا الشايقي الحقني : الشايقى قال ليه يازول ما تستغفر الله ... ده م يومك .....
_____________________________
جعلي كان مُسافر وقام ابوهو مات , الجماعه دفنوهو في مقابر الشايقيه.
لما رجع الجعلي شال كوريقو ومشا يحفر في قبر أبوهو داير يرحل لي
مقابر الجعليين , أهلو جو مارين قامو سألوهو مالك بتحفر, قال ليهم
والله أبوي ده أضانو تقيله ولو القيامه قامت الجماعه الدغيلين ديل ما
بصحوهو معاهم.
_____________________________
جعلي وقع في بير قام جا واحد شايقي نزل الدلو الجعلي مسك في الدلو الشايقي نشل الدلو حتي عتبة البير الجعلي شاف الشايقي عرفو من شلوخو قام طلع سكينه وقطع الحبل
_____________________________
جعلي راكب حمارو وماشي في الخلا يدوبي ساااااااي بعدين جا قريب من كوم قش فطارت منو فرّة (طيرة صوتها عالي ) ومع طيرانها كده كوركت
الجعلي انخلع لمن وقع من حمارو ولما قام اتلفت يمين وشمال قال والله لو كان ده شايقي كان مات عديل كده
_____________________________
جعلي وشايقي تايهين في الخلا .. فجأة طلع للشايقي جني .. شبيك لبيك وأنا بين أيديك .. لكن عليك أن تعرف أن أي حاجه تطلبها حا أدي الوراك (الجعلي) قدرها مرتين ..
قام الشايقي صنقع ودنقر .. وقال للجني .. بالله قد لي عيني دي .
_____________________________
كان في واحد جعلي ماشي في شارع ضيق جداً ( زقاق ) وفي أول الزقاق دا كان في واحد شايقي شايل عكاز كبير و ساكي ليه كلب ؛ لمان شاف الجعلي في نهاية الزقاق قال ليه حوش الكلب ، واخونا الجعلي حاول يحوش الكلب ، لكن الكلب كان خايف من العكاز و جاء قاصد ليك الجعلي عديل ، فما كان من الجعلي إلا ينط من أقرب حيطة خوفاً من الكلب ؛ بعدين الجعلي اتحرج شديد جداً و اتعقد من الموقف دا ؛ فقام طوالي ماشي ليك للشايقي الساكي الكلب وراح هارشو ليك : إنت طيب دا زقاق يسكو فيهو كلب ؟؟؟؟ ؟؟؟؟؟ ؟؟؟؟؟
_____________________________
كان فى جعلى وشايقى ساكنين جيران وكانوا الاتنين مربين كلاب
فى يوم العصريه جالسين امام ابوابون بره قام كلب الشايقى تحرش بى كلب الجعلى قام كلب الشايقى جلد كلب الجعلى جلده شديده زعل عليها الجعلى زعل شديد قام طوالى قام من كرسيه وملص عراقيه وقال للشايقى الفى الكلاب عرفناها كدى تعال نقوم انا وانت
_____________________________
قاليك كان فى تور هايج اتعب الناس تعب شديد البلم فيه كلوا ينطحو وبقى ساكى الناس بالشوارع ماقدر عليه الا واحد مفتل مسك ليك التور من قرونو ورماه على الارض فى واحده من الحريم شاهدت هذا المنظر 00000 ايوى ايوى ايوى زغرتت وطوالى قالت متيمنه هذا الراجل ده جعلى ومشت طوالى وسالتو انت جعلى قال ليها لاشايقى 00 قالت متيمنه امبقى كدى التور ده باطل
_____________________________
جعلى وشايقى اصحاب قام يوم الجعلى مشى مع الشايقى كريمة
قام الشايقى جاب ليك الفطور اصناف كتيرة من الاكل بس فى صحانة صغيرة ولمان قعدو للاكل الشايقى قال ليهو قول بسم الله الجعلى زعل وما رضى الحكاية دى قام يوم من الايام الجعلى عزم الشايقى فى شندى واول ما وصل جاب ليك خروف كامل مشوى
شايلنو راجلين ومعاهو كم فحل بصل ابيض وشطة وكدة واول ما ختو
الخروف الجعلى قال للشايقى : الليلة علي بالطلاق ما تقول بسم الله
عشان اشبعك واشبع شواطينك معاك ...................
_____________________________
شايقي وجعلي راكبين المواصلات جنب بعض الجعلي كره ليك الشايقي نحن احفاد المك نمر نحن الحرقنا اسماعيل نحن ونحن والشايقي مليان منوا شديد بعد شويه الكمساري قال الدايات نازل الجعلي قال ليهوا ايوه الشايقي ممغوص منوا لسع بعد ما خلاهوا نزل مرق راسوا بالشباك قال للجعلي اسع عليك الله دي محطه ينزل فيها راجل
_____________________________
جعلي عاجباه نفسه
يعني ما راضي بي الناس التانين
قام عمل ليه فرن .. يبيع عيش
الجماعة كل واحد حلف ما يشتري من الجعلي كل يوم العيش باير ...
في يوم جاء شايقي ... وراح الفرن عشان يشتري عيش ....
قال لي الجعلي : هاك اديني بي الف جنيه عيش ..
الجعلي قال ليه : يا شايقي يا مغفل اسع أخلي الناس الوراك ديل كلهم واقفين في الصف وأخرب النظام وأديرك عيش أنت أمشي أقيف ورا في الصف
الشايقي عاين ورا ما لقى زول وراه وبس هو الوحيد الفي الصف .. قالوا طيب ... الليله الجعلي ده بنجموا ليكم ...
مشى وقف في الصف وبدأ يزح كأنه واقف في صف حقيقي .. لحدى ما وصل محل البيع قال لي الجعلي هاك أديني عيش بي الف جنيه
الجعلي أخد القروش ودنقر عشان أدي الشايقي العيش ، قام الشايقي بكل قوه ضرب الجعلي في ضهروا ..
الجعلي : لا حول ولا قوة ابن ..................... ده الضربني .... وعاين لي الشايقي
قام الشايقي قال ليك يا جعلي يا مطرطش أسع أنا أعرف الضربك منو وسط الصفوف ده ....
_____________________________
شايقي وجعلي ماشين في شوارع الخرطوم ، الجعلي قال للشايقي: عندكم شايقي سموا شارع من شوارع الخرطوم على إسمو ؟؟
الشايقي: أبداً.
الجعلي : طيب ده إسمو شارع المك نمر.
الشايقي: ده الجراااابو ؟؟؟
_____________________________
واحد شايقي جا ماشي في المقابر لقي جنازة قام سئل : دي جنازة منو . قالو ليهو دي جنازة واحد جعلي . قام مشي جنب القبر ويبكي ويبكي ويبكي بحرقة . جا واحد قال لية : انت الزول بقرب ليك . قال :لا . قال ليهو طيب مالك . قال البكى على الميت بيعزبو
_____________________________
شايقي كتب في وصيتو ادفنوني جنب الجعلي . لمن سالوه ليه قلت كدا ؟ قال عشان يوم القيامة الجعلي بيقول حرَم الحساب علي .
_____________________________
قالوا ليكم جعلي سألهو ياخي الغربة كيف:
قام عاين كده ولف راسو شمال ويمين وقال : والله والله من شدة ما حارة يلاقيك
الشايقي في الشارع تسلم عليهو
_____________________________
قالو ليكم شايقي مشى يدخل ولدو المدرسة قام مدير المدرسة جعلي وشاف ليكي
الشايقي قال الليله انجموا ليك قام قال ليهو شووووف يا اخيينا رسوم المدرسة 500
ألف والبص 30 الف اها رأيك شنو؟ قام الشايقي قال ليهو خلها المدرسة بس
سجلو لي في البص
_____________________________
الشايقى لقى الجعلى فى البحر عاوز يغرق قام نزل البحر وانقز حياتو والناس استغربت قام الجعلى بعد ما افاق قالو ليهو الانقزك الشايقى قام قال ليهو ا قدام الناس انا والله ما كنت قايل الشوايقه ديل ناس فرسان وعندهم مرؤة والله كنت قايلهم ناس قتيتين لكن بعد السويتو معاى الليله دى راسى ما برفعو فيك قام الشايقى قال ليهو اسكت ياجنى ها انت ظنيت انا انقزتك حسنه فيك والله خفتك تموت شهيد
_____________________________
شايقى راكب حمارو وماشى شاف بت جعلية حلوة شديد قال ليها اول مرة اشوف جعلية حلوة زى دى قالت ليهو واول مرة اشوف حمار طابقين
_____________________________
جعلي وشايقي لقو مصباح سحري وجاهم مارد قال ليهم كل واحد يتمنى امنية واحدة بس وبحققها ليو....الجعلي قال : داير امشي امريكا هسع...المارد سفرو وقتي.....واتلفت على الشايقي قال ليو وانت؟..:الشايقي قال ليو ترجع لي الجعلي ده من امريكا
_____________________________

أستميحك عزراً يا صديقي لما بدر (سنيقر)
Razz

هههههههههههههه Razz

جهاد اعمل حسابك قطرك فيو مفتش
فهمتني
هههههههههههه؟؟

هههههههههههههههههههاااااااااااااااي والله من بيت الكلاوي ودايرين نكات رباطاب مع الجعليين

عاد اجهاد مالك بدور تعوج عليناء
قلت لي كورت الهلال كم
مالك بدور تخرب اتفاقيت السلام الشمالي الشمالي
هههههههههههههه
واي يا كلوي

غريب الدار كتب:: جهاد اعمل حسابك قطرك فيو مفتش
فهمتني
هههههههههههه؟؟

هههههههههههههه
غريب الدار.....إنا إذا التقت المجامع لم يزل منا لذاذ عظيمة جشامها
ما تخاف علي يا مان اكان غلبني كلبي بيغلب كلبو .......
هههههههههههههههههه

ابوسجود كتب:: هههههههههههههههههههاااااااااااااااي والله من بيت الكلاوي ودايرين نكات رباطاب مع الجعليين

ابو سجود يا غالي
ما عندك أيي شــــمكلة بسوي ليكم ديوان كبييييييييير لي أهلنا الرباطاب
ودييييييييك يا المساخة ههههههههههههه
مشكوووووور على المرور

ابراهيم الحاج عبدالرحمن كتب:: عاد اجهاد مالك بدور تعوج عليناء
قلت لي كورت الهلال كم
مالك بدور تخرب اتفاقيت السلام الشمالي الشمالي
هههههههههههههه
واي يا كلوي

هههههههههههه
اسمعني انت قصي مالو عمل رايح ....... هههههههههه
عليييييك الله لو لاقيتو جرو من ايدو ودخلو لي منتدى الرياضة .......اشان يأرف هاااااااجة .......وجيب لي صاحبنا داك هنا ( وااااااخيابة التور ) هههههههههه
شكراً على المرور

او من اللفليف قولوها واضحا

[ندعوك للتسجيل في المنتدى أو التعريف بنفسك لمعاينة هذه الصورة] قرقرقرقرقرقرقرقرقرقرقرقر[ندعوك للتسجيل في المنتدى أو التعريف بنفسك لمعاينة هذه الصورة]

لاتعليق ...!!!!

» الجعليين