من روائع ازهري محمد علي

أبداك من وين
وفينى منك لسه حاجات
من مخاوف ومن شجن
أبداك من وين
وظنى إنك فكرة إعلان الحياه
وإنتهاءات العوارض والمحن
نفسى ألقاك
وأكون أنا كلى من بعضك
أو بعضى من كل بدن
وداير ابقاك وأوحد دورة الدم
المقسمة بينى بينك والسحن
أبداك من وين
أبداك منى ولاَ منك أبتديك محل محل
من ياتو منفذ ادخلك
وكل المنافذ فيك
سداها النحل
من ياتو شارع أوصلك
وكل الدروب معطونة لى آخر الوحل
أستبيح كل الحواجز وأدخلك
من بين مسامك .. أدخلك
من أىَ قاسم مشترك
وشبه التشابه .. أدخلك
ونتلاقى نهرين من تسامى وإشتها
وأبداك من حيث إنتهت عندك
خواتم الإنتهاء
أبداك .. واخلع خيام عمرى المضى
والقاك مبسوطة اليدين
مفتوحة أبواب الرّضا
أبداك من لحظة آنستك نار
وأخدت من قبسك هدى
وانا ضمه زاهد
فى الدروب الما بتجيك
ولا بترجع لىّ من تالاك صدى
أبداك من وين ؟؟؟
من وين ....!!!

مشكور ياود الهادي على المجهود

أزهري شاعر رقيق وشعره يلامس الوجدان بكل سهولة ومن غير تعقيد ياريت تكتب المزيد من اشعاره حتى يم تثبيت ديوان ازهري في المنتدى

تقبل مروري

أبداك من وين
وفينى منك لسه حاجات
من مخاوف ومن شجن
يا سلاااااااااااااااااااااااااااام عليك يا أستاذنا العزيز ود الهادي
والله العظيم أزهري محمد علي موسوعة وإبداع منقطع النظير
وياااااااااما علمنــــــــا وما زلنا منه نتعلم
لك التحية انت ومن حمل قلمك طيبهم
من منابع الإحساس والأشجان
وعلى رأسهم ود ست الجيل ابو سامر (( أبو السيد ))

» الاخ مصطفي محمد مصطفي والاخ محمد هاشم وين انتو ؟؟؟؟؟؟؟؟؟؟؟؟؟؟؟
» موقف حصل للرسول محمد (ص)
» رسالة من شاعر البطانه يوسف الشوبلي للكوميدي محمد موسى
» قراءت الاخلاص لروح الشهيد عشى البايتات
» فى زمة الله الاخ محمد ابراهيم ازق