أمثـــــــــال وقصـــــــص

إيمان ليك الشكر يا بنتنا
المثل ده جديد علي والله
ما سمعت بيهو قبل كده
بس منكم نتعلم

أما إنت يا ابو سجود
ههههههههههههههههه
الله يجازي محنك
انا بقول المثل ده طوالي
لكن ما كنت عارف قصتو
هههههههههههههههههه
جبتها من وين دي ؟؟

ابو سجود اشكرك والله على الامثال الرائعة دي والشكر ايضا لاختنا ايمان



بخيت شكروه قال داك هلال تاني

قالوا الجماعة متلهفين بعاينوا في السماء بفتشوا في هلال رمضان ظهر ولا ماظهر
من ضمنهم واحد اسمه بخيت
المهم الجماعة ديل عاينوا لمن تعبوا ماشافوا حاجة
(اعمامك كبار طبعا ) المهم بخيت ده قال ليهم شفته الهلال
الجماعة اتكيفوا كيف شديد وقالوا يعني بكره صيام
قال ليك نص ساعة مافي الحلة ولا دكان فيهو عيش
الا تشوفوا ليكم حاجة تاني للعشاء

المهم جماعتك ديل لسه بشكروا في بخيت (شكر تقيل طبعا)
وصاحبكم ماصدق اول مره يشكروه كده
راسه كبر لمن قرب اتفرتق
خته ايدو فوق لي حواجبيهو وقال ليه هي
قالوا ليه في شنو ؟
قال ليهم داك هلال تاني ...............!
خربها مره واحده الشكر داك كلو ماكفاهو داير شكر تاني






ذكرني الحمار شكروه دفق علوقوه

هههههههههههههههههه
ابو سجود ومحمد لكم التحية على امثالكم الرائعة
ويا حسام الدين يا اخوي المثل بتاعي انا ما جديد انت شكلك ما قاعد تقعد مع حبوباتك كتير هههههههههههههه ما تزعل مني كويس انا بهزر معاك
اها ندخل في مثلنا الجديد
رجع بخفي حنين

عندما يعود الانسان من مكان ما خائبا يقال له هذا المثل
يُقال: إنه كان يوجد ببلاد "الحيرة" إسكافي شهير اسمه "حنين".. ذات يومدخل أعرابي إلى دكانه ليشترى خفين، وأخذ الأعرابي يساوم "حنينا" مساومةشديدة، ويغلظ له فى القول؛ حتى غضب حنين، ورفض أن يبيع الخفين للأعرابي؛فاغتاظ الأعرابي، وسبّ "حنينا" سبًّا فاحشًا، ثم تركه وانصرف!!
صمم حنين على الانتقام من الأعرابي؛ فأخذ الخفين، وسبق الأعرابي من طريقمختصر، وألقى أحد الخفين فى الطريق، ومشى مسافة، ثم ألقى الخُفّ الآخر،واختبأ ليرى ما سيفعله الأعرابي..
فوجئ الأعرابي بالخف الأول على الأرض؛ فأمسكه، وقال لنفسه: "ما أشبه هذاالخُف بالخف الذي كنت أريد أن أشتريه من الملعون حنين، ولو كان معه الخفالآخر لأخذتهما.. لكن هذا وحده لا نفع فيه".
ثم رماه على الأرض ومضى في طريقه، فعثر على الخف الآخر؛ فندم لأنه لم يأخذالأول، وعاد ليأخذه، وترك راحلته بلا حارس؛ فتسلل حنين إلى الراحلة وأخذهابما عليها، فلما عاد الأعرابي بالخفين لم يجد الراحلة، فرجع إلى قومه. ولما سألوه: بماذا عدت من سفرك؟
أجاب: عدت بخفي حنين..‍‍!!
انشاءالله يكون عجبكم

والله يا جماعة انا احييكم عديييييييييييييييل كده
ابو سجود ومحمد وايمان
تسلم ايدكم وربي يخليكم
انا شخصياً عندي أمثال كتيرة والله
بس لي روحي دي داير أعرف معناها
هاهاهاهاهاهاهاهاهاهاها
وما بتقصرو الله يديكم العافية
بس اوعى توقفو من الامثال دي
بليييييييييز
هاهاهاهاهاهاها
مشكوريييييييييييييين