موضوع مهم جدا لكنه نزل في في بعض النكات الرياضيه بالخطأ

ابن العم مصطفى
لك التحايا والتقدير
هذه هي المواضيع التي تهمنا وقد ناشدنا الاخوة الاعضاء المتواجدين في الحلة
بان مثل هذه المواضيع هي هدف هذا التجمع الطيب
اتمنى تثبيت هذا الموضوع لاهميته والحوار حوله
ثم المساهمه فيه حتى ولو بالرأى
لايفوتني هنا ان اشكر الاخوان عبد المنعم احمد والصادق محمد
والطيب العبد والكابتن هشام بلل
على المجهودات الجبارة بالامكانيات البسيطة

كلام جميل جدددددددددداً جداً
أول شي بنبارك لي نادينا الحبيب العزيز نادي التقدم على فوزو على ام عضام والمورده الحصاحيصا ونتمنى ليهو مزيد من التقدم وقهر الكبار والوصول للدوري الممتاز يا قادر يا كريم , ونشكر كل الذين وقفو خلف هذا النجاح
وفكرة تثبيت ارض الميدان بي أسم النادي وتحويله جنب الميدان دي فكرة جميلة لكن اعتقد إني سمعت بيها قبل كده وده معناهو قديمة ووالله العظيم الشغلانية إطلاقاً ما صعبة وما دايرين واحد يشكر التاني من ناس الحلة يعني بالواضح والصريح كده دايرين الجهود تتضافر من كل شاب وكل راجل بيمشي علي الإتنين من الحلة وحبه علي حبه تعمل كتير وأيد علي أيد تجدع بعيد .
يا ناس انا ما داير اتفلسف كتير لكن بتمنى إنو ما نسمع "هااااااه" من أيي زول تابع للحلة وما في شي صعب والدعم الحقيقي عشان نرتقي بالنادي ونحقق أحلامنا مهمن كانت صعبة أبداً ما محتاج لي ضغط أو جهد إضافي مادي لا والله ...
بس محتاجين للتكاتف وشوية جدية في الموضوع
وحتى لو في واحد دق صدرو وقال خلو لي انا الحاجة الفلانية .. ما نقولو جداً إتفضل سوي وأعمل وبعد ينتهي نقول لو شكراً والله ما قصرت أبداً يا ريت لو كل الناس زيك
لا .. لا .. يا جماعة
وانا ما بقصد نمنع كل كريم وصاحب مروه . بس النادي محتاج لي حاجات كتيرة مطلوبة من كل الناس من الصغير للكبير لأنو إحترام الموضوع والجدية في حد زاتو يعتبر دعم للموضوع
وربنــا يقدرنا الله الموفق

فعلاً موضوع مهم جداً انا قريتو في موضوع بعض النكات
شكراً ليك يا مصطفى يا غالي على الأخبار الجميلة ومبروك لنادينا
والشكر موصول لكل من ساهم في هذا الإنجاز
وياريت تتم الحاجات الذكرتوها دي عشان النادي يرتقي
وبي شبابو وناسو من صغير وكبير اكيد مافي شي صعب زي ما اتفضلو ابو اسلام وجهاد
وأحييك يا جهاد على كلامك وسور الصين العظيم بدأ من طوبة واحدة
أدعو الجميع للنقاش في هذا الموضوع عشان نطلع بي نتائج مفيدة والحكاية ما تكون كلام في كلام وانا حاجز معاكم كرسي في طاولة النقاش دي وياريت كل الناس تحضر

باسم اسرة نادي التقدم عمارة ابيد الثقافي الرياضي الاجتماعي
أطالب بالوقوف خلف هذا النادي ولو بالقليل من تبرعات مادية
وانتم تعلمون ان هذا النادي هذا العام قد حقق نتائج جيدة وهو الان يتربع
علي صدارة الاندية للصعود للدرجة الثانية برصيد 18 نقطة جمعها من 6 انتصارات
ومن المتوقع ان تنطلق المرحلة الثانية في شهر اكتوبر لتتواصل الانتصارات انشاء الله
وابشر الجميع بان الصاعد للدرجة الثانية سوف يمثل في كاس السودان
ونحن اتمني الوقفة من جميع اهل ابيد مع هذا النجاز الذي سوف يتحقق باذن الله
ولكم الشكر والتقدير
اخوكم / الطيب العبد الطيب

الطيب با ود اخوي
الموضوع دا منذ فترة ليست بالقصيرة
بصراحة انا شخصيا كنت متوقع يكون له صدى كبير من ولاد ابيد
لكن يا خسارة