تعيينك مشرف اذا عجبني المنتدي

ايها الاعضاء الكرام السلام عليكم ورحمه الله وبركاته اي عضو يقول منتدي ويعجب الاعضاء سوف يكون هو المشرف باذن الله تعالي

مافي اي عضو عبرني لا حولا

هاهاهاهاهاهاهاهاهاهاها
ابو حميد روق المنقة يا رجل
ما تتضايق خليك ريلاكس
وفي الحقيقة والواقع
أحم أحم
المنتدى حالياً بيعاني من نقص واضح في المساهمات والمشاركات
وكسل غريب وعجيب من بعض الاعضاء فهنالك من سجل
ولم يدون مساهمة واحدة
ولا تحية حتى
أصبر شوية يا مان نحل الشمكلة دي وبعد داك
انا بقترح إنو نعمل إستفتاء لي كل منتدى محتاج إشراف
لأنو الإشراف بيساهم في راحتكم إنتو كإدارة ودي مهمة خالص عندنا
وله شنو ؟؟
أسمعني بي مناسبة " وله شنو" دي
إنت وين إبراهيم مالو ما ظاهر طمننا عليو إن شاء الله مانع خير
نعرف شنو الحاصل

ايوه ياجهاد دي المشكلة المشاركة الضعيفة بس في مشكلة اكبر منها وهي نحن بنحشي في المنتدى مواضيع الغالبية منها منقوووووووول وفي مواضيع اهم منها بكثير مابتاخذ حقها في النقاش والتعليق وياسنيقر إضافة منتدى تاني دي زي ماقال جهاد خليها شوية لانو العندنا مامكرب واقترح ان نضم بعض المنتديات لبعض حتى يطلع المنتدى مسبك وقدر الأعضاء يعني ( قميص عامر ) وماكل مادخل عضو كتب اسمه فقط نزيد الحله كوز موية بتبقى مسيخة كلامي اتمنى انو مايكون جاف بس دي الحقيقة نحن لو حصرنا نفسنا في سته او خمسة بشوف انو احسن لينا وافيد وكل المواضيع بتلقى حظها في التعليق والمشاركات والنقاش.

وفي الختام لكم إبتسامة Very Happy

والف بوسه

ابو سجود تحياتي لك وللاحوان سنيقر وجهاد
ايد اقتراحك فلابد من دمج بعض المنتديات
وكذلك ارجو من الاخوه الاعضاء عدم فتح اكثر من بوست لموضوع واحد
وكنابة المشاركة في المنتدى المخصص
كتبنا المواضيع الجادة والمهمة ولم نجد مشاركة ونقلنا المواضيع المفيدة كذلك
لكم شكري وتقديري

السادة / عفيف ،جهاد ، سنيقر

صراحة والله انتم دعامة المنتدى وأحي فيكم الصبر والمثابرة بفضلكم ظل باب المنتدى مفتوح لكم الشكر

وشكر عفيف على تأيد الإقتراح واريد ان اورد تفاصيله إذا سمحتم لي

1/ ضم المنتدى الإجتماعي + منتدى الترحيب والتهاني بإسم المنتدى الإجتماعي
2/ ضم منتدى الصور والفيدو + الأدب والفكاهة + الهمبريب + الأغاني بإسم منتدى الواحة
3/ ضم المنتدى الطبي + والمرأة والطفل بإسم منتدى الأسرة
4/ الإبقاء على المنتدى الديني
5/ الإبقاء على المنتدى الرياضي
6/ الإبقاء على منتدى الإقتراحات
7/ الإبقاء على منتدى البرامح والنت وإضافة اي تعليمية بإسم المنتدى العلمي
8/ الإبقاء على المنتدى العام كشكول للمواضيع ليتم فرزها وتصنيفها من قبل المشرفين .

الأمر لكم عشان نشوف إقتراحات ثانية

تقبلوا مروري

ابو سجود
في البدء انا بشكرك على على رقة المجاملة ومدحك الكريم
يا سيد الذوق يا أرقى زول
واضم صوتي ليك في إقتراحك الممتاز
يعني تتفرع الشبكة من المنتدى العام
لي أقسام تضم أقسام أصغر داخلهـــا
سو قووود يا ابو سجود
أحييك

ابو اسلام ابو سجود سنيقر وجهاد
لكم التحية وياريت كل الناس تسمعكم وانا أولهم
وبعتذر على عدم تواصلي الفات بس والله مشغول جداً
بتمنى إنو أواكب وعزمت النية على المواكبة وعدم الغياب والمساهمة بجدية
ولك الشكر ابو سجود على اقتراحك الجيد
ونتمنى للمنتدى الإزدهار والتميز
مشكورين

هلا هلا بي حبيب الملائين وحبيب القلوب
وينك ما ظاهر ؟؟؟ ...!!!
نور المنتدى بيك يا استاذنا ونتمنى التواصل يا غالـــي

» كلام عجبني بالحبل
» عن المنتدي وبكل صراحة