مع فايق الاحترام والتقدير

الاخوة الاعزاء ادارة ومشرفون واعضاء وكل من ساهم في انجاز هذا العمل الرائع جدا
لكم التجلة والاحترام
لاحظت شئ لم يعجبني في المنتدي
((((( دخول بعض الاعضاء باسماء مستعارة وشخصيات مبهمة لانعلم عنها شيئا)))))
اسف جدا لكنه مجرد رائ بدون اي زعل ياجماااعة لاننا ماتعودنا علي الزعل بيناتنا والا شنوياجماااااااااااااااااااعه
لكم حبي وتقديري

معقوووووووووووله بس يا عمار حد يقدر يزعل منك يا أبو آية يا غالي

انا بحيي فيك الجرأة على إبدائك الرأي فالكتير من الناس بستحيي
ويضع حواجز ماف ليها داعي فعلاً .........
هنالك أبهام واضح ما بيختلفو عليهو اتنين تلاتة
ولما نطالب بالمعرفة دا ما بيعني الخصخصة
المنتدى للجميع وبنرحب بكل من ينضم اليه
بس لازم الناس تتعارف
بس عايز اقول انو في بوسط في المنتدى ده بيدعو لي كده
بس للاسف الشديد الناس اتجاهلتو
عشان كده [ندعوك للتسجيل في المنتدى أو التعريف بنفسك لمعاينة هذه الصورة] اسمحو لي بوضع بوسط جديد ارجو من الجميع التعقيب عليو
وتتحل المشكلة [ندعوك للتسجيل في المنتدى أو التعريف بنفسك لمعاينة هذه الصورة]

الكلام دا قا صدين بيهو منو ااااااااا
اغير اسم (سنيقر) يعني ولا شنو

تحياتي شباب

صراحة في بعض الناس بحب إنادوه بكنيته او لقبه ومثال لذلك ( ابو إسلام ، ابوسف ، الحن ، سنقر ) بس الحل زي ماقال جهاد على العضو ان يعبئ فورم التعارف ولو تم تبيه العضو برسالة خاصة من صاحب البوست جهاد

عمار تقبل مروري

تحياتي شباب
الاخ سنيقر لك التجلة
انا قصدي ناس معينين لا اقول اننا لا نعرفهم حتما نعرفهم ولكن هذه الكني لانعرفها ونحن بالذات الواحد في الغربة ومطول شوية من الناس يعني عذرا لهم ولكن بالجد لانعرف هذه الكني فلهم العتبي في كلامي هذا لاني لم اقصد به الا التقرب اليهم ومعرفتهم اكثر
(( ابوسارة - ابوحازم - عاشق الكيبورد - شجن - المصباح - بفاري فايروس - سوزان - ودحمدون - وداحمد ))
لكم التجلة ودمتم

سلام اهلي وحبايبي ولكل المشاركين في هذا البوست 00اولا تحياتي واحترامي الشديد لكل القائمين وادارة ومشرفين هذا المنتدي الرائع بكم دوما 00وماكم طالبني حليفة ولكن من سمعت بان لكم منتدي باسم هذة القرية (المدينة) الشقيقة والتوئمة لمدينتنا اربجي منذ الازل لم اتمالك شعور الفرحة بداخلي وكان طبيعيا ان اسجل واكون معكم وبجانبكم هكذا نحن اربجي وابيد في الافراح والاتراح متضامنين متعاونين واسف ان دخلت بكنيتي ( أبوحازم) وحتي في منتدي اربجي وانا المدير التنفيذي له مسجل بهذا الاسم وعذرا ولكن كان مفترضا ان اعرف نفسي اكثر وعذرا (عمار احمد) فانت اقرب الي من حبل الوريد 00مع امنياتي لكم بكل توفيق وتقدم ومشاركاتي ستاتي تباعا ان شاء الله

محمد طه يوسف الامين

ابوحازم

جدة - السعودية

الاخ ابوحازم
لك التحايا والتقدير والاحترام
على هذا التعبير الراقي
حقيقة ليس هناك فرق بين ابيد واربجي بل مدينة واحدة زي ماقلت
والدليل على ذلك ليس هناك شخص من ابيد ليس له علاقة رحم في اربجي
عموما اهلا ومرحبا بك في دارك

الأخ العزيز الغالي محمد طه يوسف الأمين ( أبو حازم )
الف مليون مليار تلريون بلريون وشنو كده ما عارف ـــرليون
مـــــــــــــــــــــــــــــــرحب بيــــــــــــــــــــــــــــــك
فــــــــــــــــــي دارك بين اهلك وناسك واخوانك
وماف كلام الغالي ابو إسلام ما قصر
فليس هنالك فرق بين ابيد واربجـــــــــــي
والدليل اهلنــــــــــــا واصدقـــــــــــائنا وأحبــــــــــــابنا
كما قال ابو اسلام اغلبهم من اربجي التي ترعرنــــــــا بها وسط غمرة من التحنان والاحسان
فمرحب بيك ابو حازم هنـــــــــا في بيتك

الخال العزيز
((ابوحازم))
الـــــــ مرحبتين حبابك بين اهلك وناسك ـــــــــــــــــــــــــــــــــــــــــــف
كل الشكر والتقدير اولا علي حضورك المتواضع كشخصك
وعلي تعابيرك الجميلة
والله لكم وحشة لا يعلم بها الا رب العباد
تحياتي للجميع

عمار احمد كتب:: الخال العزيز
((ابوحازم))

ههههههههههههه
والله حقيقة اقرب اليك من حبل الوريد

الاخ عمار لك الود والتحية انا اوافقك فى قصة الاسامى المستعاره دى مافى ليها اى داعى ولكى تعم الفايده وحتى نتواصل مع اخواننا الذين حرمتنا الغربه من رويتهم ولذلك من الاحسن كتابة الاسم الحقيقى

التبريكات والتهانى موصوله للاخ غازى طة الامين والخت اروى عبدالرحمن عبدالقادر بيت مال وعيال

الف مبروك الباشمندس حجوج وخطيبته روى صديق محمود ببيت مال وعيال

الف الف مبروك يا غازي طه بيت مال وعيال

» كل الاحترام للطيبات
» للاخ ابو عبيده مع الاحترام